طريقة عمل الغريبة بالسمنة سهلة
احلى غريبة بأسهل مقادير من مطبخ فاطمه ابو حاتي
الغريبة الناعمة الجميلة ولا هتشقق ولا هتفرش
ومقاديرها مظبوطة طعمها جميل وناعمة تحفة
مقادير الغريبة الناعمة بالكوب
- ٤ كوب دقيق
- ٢ كوب سمنة
- كوب سكر باودر
- ذرة ملح
- لولي او فسدق للتزيين
طريقة الغريبة بثلاث مكونات مظبوطة
- اهم حاجة الدقيق يكون فاخر مخصوص للكحك والبسكوت عشان يديكي نتيجة هايلة
- هنحط السمنة في بولة وتكون متماسكة طالعة من التلاجة
- هنضيف عليها السكر البودر ونخفقه كويس جداً مع بعض بالمضرب الكهربائي
- لمدة مش أقل من ٥ دقايق لحد مالقوم يكون كريمي ولونه يفتح عشان يدي نتيجة حلوة
- ضيفي الفانيليا وذرة الملح ونكمل خفق لحد مالقوام يبقي كريمي وهش اكتر
- هو دا المطلوب هنضيف خليط السكر والسمنة للدقيق
- وهنبدء نلم المكونات ونعجنها مع بعضها
- بعد العجن هنريح العجينة حوالي نص ساعة في الثلاجة
- هنبدء نشكل العجينة وهنكورها كور صغيرة ونرصها فب في صواني من غير ماتدهنيها
- وحطي علي وش كل واحدة غريبة واحدة فسدق او لولي علي حسب ماتحبي
- سخني الفرن قبل ماتدخلي الغريبة بعشر دقايق
- ودخلي الغريبة الفرن على درجة حرارة ١٥٠ لمدة من ١٠ - ١٥ دقيقة
- هتطلع معاكي مستوية وفي منتهى الجمال
- اهم حاجة سيبيها تبرد كويس على الصاج ماتلمسيهتش وهي سخنة
- سر نجاح الغريبة انك بعد ماتعجنيها وتيجي تشكليها دخلي اتنين الفرن وشوفي نتيجتها كويسة كملي
- لقتيها ساحت منك وفرشت كتير زودي معلقتين دقيق للمقدار هتطلع معاكي مظبوطة وفي منتهى الجمال