طريقة عمل بسكوت النشادر بالكوب
يعتبر بسكوت العيد بالنشادر من الذكريات القديمة مع الاجداد والاقارب وقت اللمة نقوم بالتحضير له قبل عيد الفطر المبارك
فهو وجبة الإفطار المفضلة مع كوب الحليب او الشاي
كما له عدة وصفات قمنا بعملها منها بسكوت العيد بالزبدة وبسكوت بدون بيض
والبسكوت باليانسون وبالكاسترد وبجوز الهند وبسكوت اقتصادي بدون زبدة
نقدم لك اليوم طريقة بسكوت النشادر الهش على أصوله بالماكينة
بالمقادير المظبوطة للمبتدئين وصفة سهلة وسريعة التحضير في البيت بطعم مقرمش وهش لا يقاوم
بسكويت زمان بسكوت النشادر لونه جميل وقرمشته
وريحته قلبت كل البيت
قومي بعمله في المنزل وإسعدي افراد عائلتك بالتجمع والمشاركة في تحضيره خاصة أطفالك
وإضمني المكونات والادوات النظيفة والموفرة وبنتيجة افضل من المحلات
مقادير بسكوت النشادر
- كيلو دقيق ١٠٠٠ جرام
- نصف كوب نشا ٦٥ جرام
- كوب ونصف سمنة ٣٠٠ جرام
- نصف كوب زيت ١٢٥ مل
- كوب ونصف سكر ٣٣٥ جرام
- ٤ بيضات
- ملعقة كبيرة ممسوحة نشادر
- ملعقة صغيرة ممسوحة بيكنج بودر
- ٣ باكيت فانيليا برتقال
- ملعقة كبيرة بشر برتقال
- ذرة ملح
طريقة عمل بسكوت النشادر بالماكينة
- في الخلاط هتضيفي مكونات بسكويت النشادر السمنه والزيت والسكر والبيض
- مع وبشر البرتقال وفانيليا البرتقال ورشة ملح
- قلبي النشادر في نصف كوب لبن دافي هتفور معاكي دا معناه انها كويسة
- وضيفيها مع باقي المكونات في الخلاط وشغلي الخلاط وإضربي المكونات
- لمدة ٥ دقايق تقريباً لحد مايختلطوا وقوامهم يتقل معاكي والسكر داب تماماً
- هاتي الدقيق يكون مخصص للكحك والبسكوت وقومي بنخله
- مع النشا والبيكنج باودر في المنخل او من خلال مصفاه فتحاتها ديقة
- ضيفي الخليط السائل اللي في الخلاط على الدقيق اللي نخلناه
- وقلبي بإديكي وماتعجنيش كتير مجرد مالعجينة تلم معانا
- ومايبقاش في أي اثر للدقيق خلاص تبقى عجينة بسكوت النشادر جاهزة
- ملحوظة في تركاية مهمة خلي بالك منها بعد ماتعجيني العجينة
- غطيها وسيبيها ترتاح حوالي نص ساعة دا مهم جداً
- عشان النشادر يتفاعل ويديكي بسكوته هايلة ودا سر نجاح بسكويت النشادر الفلاحي
- دا غير لازم كل المكونات تبقى بدرجة حرارة الغرفة يعني البيض
- والكوب اللي هتعايري بيه المقادير يكون واحد ويفضل يكون كوب سعته ٢٥٠ مل
- نيجي بقى بعد مالعجينة ارتاحت نختبر العجينة ونشوف هل مظبوطة ولا هيفرش
- ادهني صينية صغيرة زيت وشغلي مكنة البسكوت او ممكن مكنة يدوي
- حسب الموجود عندك شكلي البسكوت ورصيه في الصينية
- شغلي الفرن على درجة حرارة ١٧٠ درجة مئوية لمدة ربع ساعه قبل دخول البسكوت
- ودخلي بعدها بسكوت النشادر بالبرتقال الرف الوسطاني
- ودخليها الفرن
- هتلاقي البسكوت كويس كملي بقى شغل وشكلي باقي البسكوت ودخليه الفرن
- وسيبي فراغ بين كل بسكوته والتانيه عشان مايلزقوش في بعض
- هتدخليهم الفرن ولما ياخد لون من تحت شغلي الشوايه تاخد لون من فوق
- عشان تحفظي البسكوت معاكي فترة طويلة
- انصحك تجيبي حلة المونيوم او استانلس وتحطي فيها بسكويت النشادر
- عشان يقعد معاكي فترة كبيرة مقرمش من غير مايبقى طري
- وبالهناء والشفاء