طريقة عمل صدور الديك الرومي طرية مع رز بالزعفران وصوص المشروم فاطمه ابو حاتي
مقدمة
تبحث الكثير من ربات البيوت عن طريقة عمل صدور الديك الرومي طرية بدون جفاف خاصة عند تحضيرها للعزومات والمناسبات.
وتعد وصفة صدور الرومي مع رز بالزعفران وصوص المشروم من الوصفات الفاخرة التي تجمع بين الطعم الغني والشكل الأنيق، وتناسب أكلات المناسبات والولائم الكبيرة. في هذه الوصفة نقدم لك طريقة مضمونة للحصول على صدور رومي طري وجوسي بطعم يشبه المطاعم.
فوائد صدور الرومي الصحية
تتميز صدور الديك الرومي بأنها قليلة الدهون وغنية بالبروتين، لذلك تعتبر خيارًا مناسبًا للدايت وبناء العضلات. كما تساعد على الشعور بالشبع لفترة أطول، وتحتوي على عناصر غذائية مفيدة للجسم، مما يجعلها من أفضل الاختيارات في الأكلات الصحية ووصفات العزومات الفاخرة.
مكونات صدور الديك الرومي
مكونات الرومي
2 كيلو صدر رومي متربط
مكونات محلول نقع صدر الديك الرومي
- 1 لتر ماء ساخن
- 4 ورق لوري
- 5 ينسون نجمي
- 2 عود قرفة
- 10 حبات حبهان
- 10 حبات قرنفل
- 2 ملعقة كبيرة سكر
- 1 ملعقة كبيرة ملح
- 2 لتر ماء مثلج
- عصير 2 ليمونة
- نصف كوب عصير برتقال
- 1 ملعقة صغيرة فلفل أسود
مكونات تتبيلة الديك الرومي
- فلفل أسود
- بابريكا أو شطة
- ملح
- ملعقة سمنة
- ملعقة زيت
- ورق لوري
- حبهان
- قرفة
- بصلة
- طماطم
- جزرة
- عود كرفس
- 2 فص ثوم
مكونات صوص المشروم
- ملعقة سمنة وزبدة
- ملعقة دقيق
- مشروم مقطع
- رشة فلفل أسود
- صوص تسوية الرومي
- ربع كوب كريمة طهي
مكونات الأرز بالزعفران
- 1 كيلو أرز بسمتي
- ملعقة زيت
- ملعقة سمنة
- ملعقة زعفران
- عود قرفة
- 3 حبات حبهان
- 3 قرنفل
- شوربة (لكل كوب أرز كوبان شوربة)
- ملح
طريقة صدور الديك الرومي طرية بالصوص ورز بالزعفران بطعم المطاعم خطوة بخطوة
طريقة تحضير محلول النقع
- هنجيب حلة على النار ونضيف لها مايه لحد ما تغلي
- ونضيف عليها اليانسون النجمي والقرفة والحبهان وورق الاوراق والحبهان والقرنفل
- هنسيبهم يغلوا مع بعض وهضفلهم السكر والملح ونسيبها تغلي شويه
- بعدين تنقلهم في طبق كبير
- ونضفله ٢ لتر مايه ساقعه متلجه عشان نبرد المحلول
- ونعصر عليهم ليمونه كبيره و برتقاله لو موجود هيكون أفضل ونضيف قشرهم
- ونضيف الفلفل الاسود وتقبلهم كويس قوي وبكدا محلول النقع بقى جاهز
- ونضيف صدر الرومي المتربط في محلول النقع
- ونضعه في الثلاجة لمدة ساعتين للحصول على صدور رومي طريه وجوسي
- اهو المحلول دا مهم جداً لأنه ويساعد على طراوة الرومي
طريقة تتبيل وتشويح الرومي
- هنرفع الرومي من المحلول وننشفه كويس جدا
- عشان يتشرب التتبيلة الي هنتبله بيها
- نضيف فلفل اسود وبابريكا أو شطه حسب رغبتك
- وملح وهندلك بيها الرومي كويس قوي من جميع الجهات
- ودي أفضل تتبيلة الديك الرومي
- وبكدا عرق الرومي بقى جاهز هنحضر صينيه غير قابلة للالتصاق على النار
- ونضيف لها معلقة سمنة ومعلقه زيت
- ونشوح فيه عرق الرومي من كل الجهات
- لحد مايتحمر من كل ناحيه
- ودا مهم جدا عشان الرومي يحتفظ بالعصاره بتاعته
- ويقفل مسامه ليحتفظ بالعصارة بداخله
- وهي خطوة أساسية في طريقة عمل صدور الرومي بدون جفاف.
طريقة تسوية صدور الرومي
- نضيف بقى ورق لورا وحبهان قرفة
- والكرفس والطماطم والجزر والبصل والثوم
- نشوحهم كويس وبعدين نضيف مايه مغليه
- لحد نص الرومي وضيفي رشة ملح
- غطي صينية الرومي بورق الفويل كويس قوي
- وهنعمله على البوتجاز من غير فرن
- بعد ٤٥ دقيقة بالضبط نفتح عليه ونقلبه على الناحيه التانيه لمدة نص ساعة
- خلي بالك التسويه الكتير هتخلي الديك ينشف
- واحنا عاوزينه يبقى طري نخلي بالنا من الوقت
- مدة تسوية صدور الرومي ساعة وربع
- هرفعه من الصينية واحطه على طبق واسيبه يبرد وأدخله الثلاجة ليلة كاملة
طريقة عمل الأرز بالزعفران
- اطحني الزعفران ودوبيه في نص كوباية ماية واسيبه ١٠ دقائق
- اغسلي الرز البسمتي وصفيه وحضري صنية على النار ونضيف لها سمنه وزيت
- واضيف الرز البسمتي واقلبه شويه على النار
- ونضيف القرفة والحبهان والقرنفل وتقبلهم مع بعض
- الوصفة دي على قد سهولتها على قد طعامتها
- ضيفي الشوربة والملح ونقلب كويس
- وبعدين ضيفي الزعفران من غير تقليب وغطي الصينية
- سيبي الأرز بالزعفران يتشرب السوائل
- وبعدين نقلبه هتلاقي اللون والريحه خطيرة
طريقة عمل صوص المشروم
- هنحضر طاسه على النار وعليها معلقه السمنة والزبدة والدقيق
- ونقلبهم كويس لحد ما ياخد لون ذهبي واضفلة رشة فلفل اسود مجروش
- واضيف المشروم وتقلب كويس جداً
- واجيب الصوص اللي نزل من تسوية الرومي واضيفه بعد تصفيته
- واقلب على النار هايديني طعم تحفة
- افضل اقلب لما الصوص يتقل شوية
- نضيف صوص الكريمة ونقلب شويه وبعدين نرفعه من على النار
طريقة التقديم
- يلا نجهز المكسرات في طاسة على النار
- هنحط معلقة سمنة وعليها اي نوع مكسرات زي اللوز
- ونقلب لما ياخد لون ذهبي ونضيف الزبيب ونشوحهم تشويه بسيطه
- وماتحرقيهمش عشان الطعم مايمررش
- في طبق التقديم اضيف الرز بالزعفران وعليه الرومي ونزينه بالمكسرات
- ويمكنك تقديم شرايح الرومي في سرفيس ونزينه بصوص المشروم
- وبالهناء والشفاء
نصائح لنجاح وصفة صدور الرومي
- محلول النقع هو سر الطراوة فلا تتخطيه.
- لا تفرطي في مدة التسوية حتى لا يجف الرومي.
- إدخال الرومي الثلاجة قبل التقطيع يساعد على الحصول على شرائح متماسكة.
- يمكن تقديم الوصفة كطبق رئيسي في العزومات والمناسبات الخاصة.
أسئلة شائعة حول صدور الرومي
هل يمكن عمل صدور الرومي في الفرن؟
نعم يمكن إدخالها الفرن بعد التشويح لمدة ساعة تقريبًا مع تغطيتها بورق فويل.
هل يمكن استبدال الرومي بالفراخ؟
نعم يمكن استخدام صدور الدجاج بنفس الطريقة مع تقليل مدة التسوية.
هل يوضع صدر الديك الرومي للأعلى أم للأسفل؟
نسوي الصدر لمدة ٤٥ دقيقة وبعدين نقلبه على الجهه الاخرى لمدة ٣٠ دقيقة.
ما بديل الزعفران؟
يمكن استخدام الكركم مع ماء الورد للحصول على لون قريب وطعم جيد.
خاتمة
تعتبر وصفة صدور الديك الرومي مع رز بالزعفران وصوص المشروم من أفضل وصفات العزومات وأكلات المناسبات، فهي تجمع بين الطعم الفاخر وسهولة التحضير والشكل الأنيق، وتمنحك نتيجة مضمونة بطعم يشبه المطاعم الكبرى.
إذا أعجبتك هذه الوصفة يمكنك أيضًا التعرف على: