طريقة عمل كفتة ميكس لحمة وفراخ مشوية زي المطاعم فاطمه ابو حاتي
لو بتدوري على طريقة جديدة للكفتة غير التقليدية، يبقى كفتة الميكس بين اللحمة والفراخ هي الحل المثالي.
وصفة سهلة وسريعة بطعم غني وطراوة زي المطاعم، تقدري تقدميها في العزومات أو كسندوتشات شهية مع سلطة الحاتي والطحينة.
كفتة ميكس خطيرة طراوة وطعم ومعاها سلطة وطحينة تحلي أي أكلة قولي بقى تحبيها في ساندوتش ولا سادة ؟
قبل ماتعملي كفتة شوفي الخلطة دي النهاردة مش كفتة عادية خلطة جديدة بطعم مختلف جربناها ومن ساعتها وإحنا إعتمدناها تعالي اقولك الخلطة عبارة عن إيه
شاهدي طريقة عمل كفتة الميكس خطوة بخطوة في الفيديو 👇
لو بتحبي وصفات المشويات، شوفي كمان:
طريقة كفتة الباذنجان بدون لحم إقتصادية
مقادير الكفتة
- نص كيلو صدور فراخ ناشفة من اي سوائل
- ١٠٠ جرام ليه
- نص كيلو لحمة مفرومة
- ٢ بصلة متوسطة
- قرن فلفل احمر
- ٢ عود بقدونس مفروم
- ٣ فصوص ثوم
- ملح وفلفل وسبع بهارات
طريقة عمل كفتة ميكس لحمة وفراخ للشيف فاطمة ابو حاتي
- هنجيب الكبة ونضيف لها صدور الفراخ ونتأكد إنها ناشفة كويس
- ونفرمها ناعم ونضيف لها اللحمة المفرومة
- ونقطع البصل والفلفل والثوم والبقدونس ناعم ونضيف لهم بهارات الكفتة ملح وفلفل أسود والسبع بهارات
- ونضيفهم في الكبة
- شغلي الكبة وافرمي باقي المكونات كويس لحد ماتبقى ناعمة
- حضري صاج او صينية كبيرة وإدهنيها زيت
- هانصبع كفتة لحمة وفراخ على السيخ وهنحطها على الصاج او الصينية
- هندخل الكفتة الميكس الفرن على درجة حرارة ٢٠٠ درجة مئوية
- نحط صينية الكفتة الميكس تحت وشوية كدا ونطفي الفرن ونشغل الشواية من فوق
- جربي الوصفة النهاردة وقولي لي في التعليقات إيه تعديلك عليها!
مكونات سلطة الحاتي
- بصل احمر شرائح
- ملعقة صغيرة ملح
- ملعقة صغيرة سماق
- خيار مخلل
- طماطم شرائح
- فلفل حامي
- بقدونس مفروم
- عصير ليمونة
## سلطة الحاتي المكملة للكفتة (بطعم رهيب)
- هنقطع البصل شرايح ونضيفله ملح وسماق وندعكهم في بعض كويس جداً
- وهنقطع الخيار المخلل والطماطم قطع صغيرة والبقدونس والفلفل
- ونقلب المقادير كويس مع بعض ونحطهم في طبق التقديم
- ونعصر على سلطة الكفتة الليمونة وبالهنا والشفا
مكونات سلطة الطحينة
- طحينة
- كوب زبادي
- ٢ ملعقة مايونيز
- فصين ثوم
- ربع كوب خل
- ملعقة صغيرة ملح وفلفل أسود وكمون
- وشوية مايه
طريقة عمل سلطة الطحينة زي المطاعم
- هنحط الطحينة في الطبق وعليها الزبادي والمايونيز
- نضيف الملح والفلفل الأسود وكمون والثوم والخل وشوية مايه
- ويلا نقلب ، قلب ، قلب لغاية مالقوام بتاعها لا هو تقيل ولا هو خفيف لذيذ بشكل
- وبكدا نكون جهزنا احلى سلطة الطحينة ناكلها جمب كفتة مشوية زي المطاعم
- جربي اعملي كفتة ميكس ساندوتشات او كوليها بالطريقة اللي تحبيها
- وبالهناء والشفاء
- يلا مستنين ايه جربوها وقولولي رئيكم ايه في التعليقات
بعض الاسئلة الشائعة
- هل ينفع اعمل الكفتة بدون فرن
تقدري تحطي كفتة ميكس في الفرن
او تشويه على الشواية الفحم او على الجريل زي مانتي عاوزه
2- كم وقت تستغرق الكفتة المشوية
لا تأخذ وقت عندما تأخذ لون من الجهتين على نار متوسطه إلى هادئة قليلاً