طريقة تسوية الفخدة الضانى في الفرن ومش بتنشف
فخدة الضاني من أشهر وألذ وصفات اللحوم اللي بتتقدم في العزايم والمناسبات
لكن كتير من الناس بتخاف تعملها في البيت عشان بتنشف أو تطلع ناشفة.
في الوصفة دي هتعرفي طريقة عمل فخدة ضاني بالفرن خطوة بخطوة
على طريقة الشيف فاطمة أبو حاتي، مع أسرار مهمة
تخليها طرية ومظبوطة من أول مرة وبطعم غني يفتح النفس.
طريقة عمل الفخدة الضاني في الفرن هتغنيكي تشويها بره البيت
وهتعمليها بإيديك بمكونات كلها مضمونه من حيث النضافة والطعم
مقادير فخدة ضاني في الفرن
فخدة أو كتف ضاني ٢ كيلو تقريباً
مكونات تتبيله الفخده الضاني
- فصوص ثوم
- ٢ ملعقة كبيرة ملح
- ملعقة كبيرة مرقة فورية
- ملعقة صغيرة فلفل أسود
- ملعقة صغيرة بودرة زعفران
للتسوية الفخده الضانى
جزر ، بصل ، طماطم ، ٢ عود كرفس ، ثوم ، ورق لورى او غار ، لومي ، فلفل حصى ، قرفة ، قرنفل ، حبهان ، مياه مغلية
مكونات الأرز المبهر بالمكسرات
- أرز بسمتي
- ٤ كوب رز
- زيت
- سمنة
- لوز
- زبيب
- ١٠ فص ثوم شرايح
- مرقة او شربة الفخذة لتسوية الارز
- ٢ فلفل احمر إختياري
طريقة عمل الفخدة الضاني للشيف فاطمة أبو حاتى
- عندنا النهاردة الفخدة بالرز المبهر لخلطة اللوز والزبيب وشرايح الثوم
- وطبعا الفخده الضاني تكفي لحد ٦ افراد على حسب حجمها
- نجيب ضلع او فخدة ضاني متنضفة كويس ومتنشفة كويس جدا جدا
- هعمل فيها شرايح وفتحات عشان تسمح للتبيلة تدخل جواها
- ويبقى طعم اللحمة من جوه لذيذ
- في الفتحات دي هحط كام فص ثوم وتعالوا نعمل التتبيلة
- وخلطة التتبيلة بسيطة ملح وفلفل وبودرة الزعفران
- ومرقة فورية عشان تساعد على التسوية هقلبهم مع بعض
- ونبتدي نرشهم على الفخدة من فوق وعلى الجنبين
- وبعد كدا نعملها مساج لطيف كدا وندخل الالتتبيلة جواها
- تتبيلة بسيطة بس بجد تحفة
- لان اللحمة الحلوة مابتحتاجش توابل كتير
- هجيب صينية احط فيها شرايح جزر وطماطم وبصل وثوم وعودين كرفس
- وهنضيف التوابل كمان ورق لورا ولومي وقرنفل وقرفة وحبهان وفلفل حصى
- بعدين اضيف الميه المغليه لحد نص الصينية
- والافضل نستخدم صينية ليها شبكة
- ولو مش متاح هنحط شبكة فوق الصينية
- ونحط الفخدة فوق الصينية ونغطيها بورق زبدة
- وبعدين نقفلها كويس جدا بورق المونيوم
- وادخل صينية الفخدة على ارضية الفرن عشان تغلي بسرعة
- تحتاج فخدة الخروف في الفرن ٣ ساعت ونص
- وطبعا الفرن هيكون على درجة حرارة عالية لمدة نص ساعة
- وبعدين ٣ ساعات على نار متوسطة
- قبل ماتطلع الفخدة من الفرن هحط حلة على النار فيها سمنة وزيت
- واحط اللوز والزبيب في الحلة واحمصهم لحد ماياخدوا اللون الذهبي
- واول ماياخدوا اللون الذهبي على طول ابدأ ارفعهم من على النار واصفيهم كويس
- وطبعا اكون مجهزة عشر فصوص توم مقطعاهم شرايح
- وعليهم رشة ملح بسيطة جدا
- وانزلهم في نفس حلة التحمير ولما ياخدوا لون ذهبي
- هرفعهم من النار واصفيهم بسرعة
- هبدء اضيف الرز في نفس الحلة واشوحه تشويحة كدا
- ابدء اشوف اللحمة بتاعتي بعد ماستوت وأرفعها من على الشبكة
- واخد الشوربة او المرقة اللي في الصينية واضيفها للرز
- لكل كوباية رز كوبايتين من الشوربة الرز البسمتي بيحتاج ماية كتير
- واغطي الحلة واسيبها تغلي وتتشرب الشوربة
- وبعد مايتشربها اقلبها تقليبة الله على اللون اللله على الريحة
- ياه الريحة خطيرة بعدها هحط قرنين فلفل كدا على الوش
- واغطي حلة الرز البسمتي واهدي النار
- لحد مالرز المبهر يستوى ويبقى مفلفل وخطير
- وبعدين هنزل الرز في طبق التقديم وعليه الفخدة
- بعد مافتحت عليها الشواية عشان تاخد لون ياخبر تحفة
- وهنزل الزبيب واللوز المحمص وشرايح التوم ومعاهم رشة كزبرة خضرة
- اي حد هيدوقها من ايديكي هيقولك بجد بجد تسلم ايديكي
- الوصفة خطيرة يلا مستنين إيه عاوزة اقولكم اللحمة طالعة دايبه وخطيرة
- وبتتبيلة مميزة وبسيطة
- وبالهناء والشفاء
سر طراوة فخدة الضاني وعدم نشفانها
- لازم تدليك الفخدة كويس جدًا بالتتبيلة وتسيبها تتشرب على الأقل ساعتين.
- يفضل تغليف الفخدة بورق فويل أول ساعة في الفرن
- عشان تحتفظ بالعصارة.
- التسوية تكون على نار هادية ومش مستعجلة.
- بعد ما تطلع من الفرن، سيبي الفخدة ترتاح
- من 10 لـ 15 دقيقة قبل التقطيع.
- استخدام مرقة أو ماء سخن أثناء التسوية بيمنع الجفاف.
أسئلة شائعة عن فخدة الضاني
هل فخدة الضاني بتتشوح قبل الفرن؟
مش شرط، لكن تشويح الفخدة في طاسة ساخنة
من كل الجهات بيحبس العصارة جواها
ويدي طعم أحلى ولون أفضل، خصوصًا لو هتتعمل في الفرن مباشرة.
مدة تسوية فخدة الضاني في الفرن قد إيه؟
بتحتاج فخدة الضاني إلى ٣ ساعات للتسويه في الفرن
على حرارة 170–180 درجة حسب حجمها
ويفضل تغطيتها بورق فويل في أول ساعة.
إزاي أخلي فخدة الضاني طرية ومش ناشفة؟
تتنقع في التتبيلة كويس
تتغطى بورق فويل أثناء التسوية
تتحط في فرن متوسط مش عالي
تسيبها ترتاح بعد التسوية قبل التقطيع
هل ينفع أعمل فخدة الضاني قبل العزومة؟
أيوه، ينفع تتسوي قبلها بيوم
وتتحفظ في التلاجة
وقبل التقديم تتحمّر في الفرن
مع شوية مرقة
عشان تفضل طرية.
أفضل تتبيلة لفخدة الضاني إيه؟
التتبيلة اللي فيها زبادي أو خل + ثوم + بهارات ضاني + عصير ليمون بتكسر الزفارة وتخلي اللحم أنعم.
فخدة ضانى فاطمه ابو حاتي
لو جربتي الوصفة قولي رئيك في التعليقات