هل التسنين يؤخر المشي عند الأطفال الرضع ؟
احمي طفلك الرضيع من تأخر التسنين وتأخر المشي بهذه الطريقة المضمونة
دكتور محمد دسوقي أخصائي طب الأطفال وحديثي الولادة
هناك مقولة شهيرة جدا تقول الطفل الذي بيسنن بدري بيتأخر في المشي
أو الطفل لو سنن الأول بيتأخر في المشي هل هذه المقوله حقيقية ام لا طب ايه اللي نعمله لكي نحمي الطفل من التأخر في التسنين و التأخر في المشي
طبعاً هذه المقولة غير صحيحة وغير علمية لا يوجد أي دليل علمي لهذا ولكن هذه مقوله متداوله بين الامهات
بعض الامهات بيكونوا فاكرين ان الكالسيوم لو دخل في الاسنان بدري فتكوين العظام عند الطفل بيتأخر والطفل بيتأخر في المشي في هذه الحقيقة هذا كلام خاطئ وغير صحيح
تنظيم الكالسيوم داخل هذا موضوع معقد جدا وبيتم بدقة شديدة جداً
الجسم بيعرف يوزع بشكل كويس جداً على حسب إحتياجاته بشكل إن الطفل يسنن ويمر بالتطور الحركي بشمل كويس ولكن بشرط ان الجسم يكون بياخد إحتياجاته من الكالسيوم ومن فيتامين د ودا هياخدنا لننقطة تانية
متى يعتبر الطفل متأخرا في ظهور الأسنان؟
امتي نقول عن الطفل انه إتاخر في التسنين؟
الطفل بيسنن امتى نقول الطفل إتاخر في التسنين لو الطفل تم او أكمل سنه كاملة وماطلعش سنه واحده على الأقل ولا تقارنيه بباقي الأطفال الذين سننوا وهم في الشهر العاشر او ١١ شهر ممنوع المقارنة مابين الأطفال كل له سمات شخصية والجينات الوراثية الخاصة به لوحده
أمتى نقول عن الطفل انه تأخر في المشي؟
متى يمشي الطفل نقول الطفل إتأخر في المشي لو الطفل تم سنتين كاملين ولسه ماعرفش يمشي
طبعاً من قبل كدا بيبقى في علامات ان الطفل دا عنده مشكلة في المشي يعني الطبيعي مثلا ان الطفل يعرف يقف على رجله وإحنا ساندينه في عمر سنه تقريباً
متى يعتبر الطفل متأخر في الوقوف؟
ولو مابيعرفش يقف على رجله وهو مسنود لحد عمر سنه و٣ شهور يبقى الطفل دا هنا إتأخر في الوقوف
لو الطفل إتأخر في الوقوف لوحده لحد عمر سنة ونص في الحالة دي نقول إن الطفل برضه إتأخر في الوقوف
ولو الطفل تم سنة ونص وبرضه مابيقفش يبقى اتأخر في الوقوف
كيف اعرف ان طفلي متأخر في المشي؟
لو الطفل تم سنتين ولسه مابيعرفش يمشي يبقى هنا الطفل إتأخر في المشي
عشان الطفل مايتأخرش في التسنين ولا يتأخر في المشي ولا يتأخر في الحبو ولا يتأخر في أي حاجة من الحبو الحركي يبقى لازم الطفل ياخد إحتياجاته كاملة من الكالسيوم وفيتامين د هنعمل دا إزاي ؟
١ - اول حاجة هنهتم برضاعة الطفل في أول فترة من عمره سواء الطفل دا بيرضع طبيعي ودا الأفضل أو الفل دا بيرضع حليب صناعي لأي سبب من الأسباب
٢ - بمجرد ماندخل أكل للطفل يبقى الطفل لازم ياخد الأغذية الغنية بالكالسيوم وفيتامين د أو الأطعمة اللي بالحليب زي الزبادي والياغورت أو الجبن بكل أنواعها ودي مسموح بإعطائها للأطفال الرضع من بعد الشهر السادس
لكن لما نيجي نعطي جبنة للأطفال نختار جبنة قليلة الملح أو لا يوجد بها ملح ولازم نتأكد مصنعة من الحليب الطبيعي والجبنة المطبوخة والجبنة المثلثات نبتعد عنها تماماً لانها مصنعة من من زيوت نباتية مهدرجة وغير مصنعة من الحليب الطبيعي وليها أضرار على صحة الأطفال
٣ - بعض الأطفال اللي عندهم حساسية بروتين الحليب أو عدم تحمل الاكتوز الاطفال اللي بنبعدهم عن الحليب يبقى لازم نعوضلهم الكالسيوم وفيتامين د من مصادر اخرى عشان الاطفال دي مايتأخروش في التسنين ولا التطور الحركي ومن أفضل المصادر دي الأسماك والسمسم والمكسرات والبقوليات
٤ - شرب الحليب الطبيعي سواء الحليب البقري أو الجاموسي أو أي نوع من الحليب الطبيعي هيبقى بعد عمر سنة لكن بشرط كمية الحليب اللي الطفل هاياخدها على مدار اليوم كله ماتزيدش عن ٥٠٠ مل
بنعمل دا ليه ؟ لأن كمية الحليب لو زادت عن كدا هتبقى بتدي الطفل سعرات حرارية كبيرة جدا وبالشكل دا الطفل مش هيأكل كويس جسمه مش هياخد باقي الإحتياجات اللي هو بيحتاجها
والحليب محتاه من الحديد قليل جداً فالطفل لو بياخد كميات كبيرة من الحليب دا هيخليه مايأكلش كويس وبالشكل دا الطفل هيجيله أنيميا وفقر دم لانه مش هيعرف ياخد الحديد بالشكل الكافي لإحتياجات جسمه
كمان من الحجات المهمة جدا عشان الطفل مايتأخرش في التسنين وميتأخرش في المشي إن إحنا نعرض الأطفال الرضع للشمس ودا من بعد الشهر الرابع
ولازم نعرض جلد الطفل للشمس مباشرة ماينفعش نعرضه من ورا زجاج ولا ينفع نعرضه وهو لابس هدومه
يبقى هنكشف ذراع الطفل ونكشف رجليه ونعرضهم للشمس
والوقت المثالي اللي بنعرض في الطفل للشمس هو من بعد الساعة ١٢ الظهر ٤ العصر يعني في وقت الذروة ودي التوصيات الحديثة
طب في ناس هتقول درجة الحرارة هتكون عالية وممكن جللد الطفل يتحرق هقول عرضي الطفل للشمسة فترة صغيرة جداً وليكن ٥ دقائق وبعدين يرتاح شوية وعرضيه ٥ دقائق اخرى ويرتاح شوية بحيث إن الطفل يتعرض للشمس ربع ساعة أو ثلث ساعة واكرر الموضوع دا مرتين أو ٣ في الأسبوع
بلاش تقعدوا الطفل في الشمس مدة متواصلة عشان جلد الطفل مايتحرقش
والتوصيات الجديدة وصت بالمواعيد الجديدة دي لأن أشعة الشمس في الوقت دا بتكون غنية جداً بالأشعة فوق البنفسجية وهي دي الاشعة اللي بنحتاجها لتصنيع فيتامين د داخل الجسم
وطبعاً كلنا عارفين إن الأطفال الرضع في أول سنتين من حياتهم لازم يكونوا بياخدوا فيتامين د بالجرعات الوقائية على شكل نقط او أدوية
وجرعة الطفل في أول سنة بياخد ٤٠٠ وحدة دولية كل يوم
وفي ثاني سنة بياخد ٦٠٠ وحدة دولية كل يوم ودي الجرعة الوقائية اللي بنديها لكل الأطفال الرضع
لكن لو الطفل إتأخر في التسنين أو التطور الحركي وإتشخص على إنه عند نقص فيتامين د في الحاله دي الطفل بيأخذ جرعات أكثر من كدا اللي هي الجرعات العلاجية ودا لازم إستشارة الطبيب والإلتزام بالجرغة الموصوفة من خلال الطبيب
اخر حاجة واهم حاجة إن ضروري إنك تتابعي الطفل بإستمرار مع طبيب الأطفال المعالج مش لازم تستني لما الطفل يتأخر
لازم تكوني بتابعي الوزن والطول والتسنين وبتابعي التطور الحركي مع طبيب الأطفال
عشان الدمتور لو لاحظ الطفل إبتدء يتأخر في حاجة يشخصه من بدري ويعالجه من بدري لان التشهيص والعلاج هنا هيكون أسهل بكتير جداً
يعني لو طفلك إتأخر في التسنين أو المشي لالمطلوب منك تروحي لطبيب الأطفال فوراً ليفحص إيه هي المشكلة وياخد العلاج المنلسب معظم هذه الحالات بيكونعندها نقص فيتامين د أو نقص كالسيوم لكن مش في كل الحالات هناك خالات بيكون فيهم مشاكل تانية
عشان كدا ماعطيش الطفل كالسيوم من نفسك أو أي علاج من نفسم لازم تستشيري طبيب الأطفال ليفحص الطفل ويحدد سبب المشكلة ويحدد العلاج المناسب لحالته