طريقة عمل الفراخ المشوية زي المطاعم
تعتبر الفراخ المشوية من أكثر الأكلات التي يعشقها الجميع، سواء الكبار أو الأطفال، فهي وجبة لذيذة وخفيفة وصحية في نفس الوقت.
وتبحث الكثير من ربات البيوت عن طريقة عمل الفراخ المشوية في فرن البوتاجاز بنفس طعم المطاعم، ولذلك نقدم لك اليوم أفضل تتبيلة فراخ مشوية في الفرن بمكونات بسيطة موجودة في كل بيت.
هذه الوصفة ستجعلك تحصلين على فراخ مشوية طرية من الداخل ومحمرة من الخارج وطعمها غني ومميز، ويمكن تقديمها في العزومات والمناسبات بكل ثقة.
الفراخ المشوية في الفرن بطريقة عبقرية و احلى تتبيلة فراخ مشوية خيالية مش هتبطلوا تعملوها وهتشرفكم في العزومات وهتعتمدوها طول الوقت
مقادير تتبيلة الفراخ المشوية زي المطاعم
- تكفي هذه المقادير لتحضير دجاجتين إلى ثلاث دجاجات:
- دجاج
- ٣ بصل مقطع حلقات
- ٣ فص ثوم مفروم
- قرن فلفل أخضر كبير شرائح
- ٢ كوب عصير طماطم
- ٤ ملعقة كبيرة زبادي او علبة ١٧٠ جرام
- ملعقتين زبدة او سمنة
- ٥ ملعقة زيت
- ملح
- فلفل أسود
- ملقه كبيرة كاري
- ملعقه صغيره بهارات دجاج
- ربع ملعقة جنزبيل إختياري
- نصف ملعقة صغيرة قرفة إختياري
طريقة عمل الفراخ المشوية في فرن البوتاجاز
- قطعي الفرخة لأربع قطع وإغسليها كويس ونشفيها
- قطعي البصل شرائح رفيعة
- خدي نصف كمية البصل وضيفيه على الفراخ
- ضيفي عليهم ملعقة كبيرة من الفلفل الأسود والملح
- إدعكي البصل والملح والفلفل والفراخ مع بعض كويس قوي
- من جميع الاتجاهات وتحت الجلد
- وسيبيها في التتبيلة دي ساعتين
- والأفضل تبات من بليل في التتبيلة
تحضير صوص التتبيلة:
- ضعي قدر على النار وأضيفي له خمس ملاعق زيت ومعلقتين زبدة او سمنة
- إنزلي عليهم بنصف كمية البصل المتبقي
- وقلبي البصل لحد مايتكرمل وياخد لون دهبي فاتح
- ضيفي الثوم المفروم وقلبيهم لحد مالبصل ياخد لون
- نضيف الفلفل ونقلب لحد مالفلفل يتحمر شوية
- وإنزلي عليهم بعصير الطماطم وقلبي
- ممكن تضيفي معلقة صلصة طماطم عشان اللون يبقى احمر
- نضع بهارات تتبيلة الفراخ المشوية ملح فلفل اسود وكاري وجنزبيل وقرفة وبهارات فراخ
- غطيها وسيبيها تتسبك شوية لمدة ربع ساعة تقريباً
- لحد ماتحسي إن الدهون فصلت على الوش
خلط التتبيلة:
- بعد كدا حطي تتبيلة الفراخ المشوية في الخلاط مع الزبادي
- أو إضربي التتبيلة بالهاند بلندر لحد ماتبقى ناعمة
- وضيفي التتبيلة على الفراخ ووزعيها كويس
التسوية:
- ضيفي معلقه سمنة بلدي علي الوش هتديها طعم شهي
- غطي الصينية بورق فويل و دخلي الفراخ المشوية في الفرن
- على أعلى درجة حرارة لمدة نص ساعة على حسب حجم الفراخ
- وبفرشة كدا إدهنيها بالصوص إللي نزل منها
- ودخليها الفرن وشغلي عليها الشواية تاخد لون من فوق
تقدم مع:
- رز أبيض بالشعرية
- سلطة خضراء
- بطاطس محمرة أو مشوية
- وبالهنا والشفا
احلى تتبيلة للفراخ المشوية للشيف نادية السيد
نصائح لنجاح الفراخ المشوية في الفرن
- يفضل تتبيل الفراخ قبلها بـ 8 ساعات على الأقل.
- فتح شقوق صغيرة في الفراخ يساعد على تشرب التتبيلة.
- دهن الفراخ بالصوص أثناء الشواء يعطيها طراوة وطعم مطاعم.
- يمكن إضافة عصير ليمون أو خل للتتبيلة حسب الرغبة.
أسئلة شائعه
ما هي أفضل تتبيلة للفراخ المشوية في الفرن؟
أفضل تتبيلة تعتمد على البصل والطماطم والزبادي والتوابل، لأنها تجعل الفراخ طرية وطعمها غني مثل المطاعم.
كم مدة تتبيل الفراخ المشوية؟
من ساعتين إلى ليلة كاملة للحصول على أفضل نتيجة.
كيف أحصل على لون أحمر للفراخ المشوية؟
بإضافة ملعقة صلصة طماطم للتتبيلة وتشغيل الشواية في آخر التسوية.