طريقة البسبوسة المكرملة في البيت
سر بسبوسة المحلات في ٥ دقايق وبطريقة ولا اسهل من كده من مطبخي فاطمه ابو حاتي
هنعمل مع بعض احلى واجمل بسبوسة طعمها حلو قوووي شكلها جميل جداً لونها حكاية
شايفة مكرملة وجميلة إزاي مرملة كدا وطعمها حلو قوي
طبعا الحجات دي بقت غالية جدا في المحلات و إنشاء الله نعملها مع بعض
وبإذن الله نتيجتها مضمونة تعالي بقى نشوف المقادير ونشوف هنعملها ازاي ؟
هنقدملك اسهل طريقة عمل البسبوسة مع مقادير البسبوسة العادية
مقادير البسبوسة بالكوباية
- نصف كيلو دقيق سيمولينا ٣ كوب
- كوب سمنة على زيت دافئ
- نصف كوب سكر
- كوب حليب دافئ
- ٢ ملعقة كبيرة عسل نحل
- ٤ ملعقة كبيرة جوز هند
- ٢ ملعقة كبيرة لبن بودر
- ملعقة صغيرة بيكنج بودر
- رشة صغيرة ملح
مكونات سيرب البسبوسة
- ٢ كوب ماء
- ٢ كوب سكر
- ملعقة كبيرة سمنة
طريقة عمل البسبوسة بالسميد
- اول حاجة هنخلط المكونات الجافة الأول
- في طبق عميق ضيفي دقيق السيمولينا وعليه نص كوباية السكر
- ومعلقتين الحليب البودر ورشة صغيرة ملح ومعلقة البيكنج باودر
- وجوز الهند وقلبيهم مع بعض لحد مايختلطوا كويس
- دفي السمنة والزيت يعني كوباية إلا ربع سمنة ورب زيت
- وضيفيها علي المكونات الجافة وقلبيها او بسيها بإديكي
- لحد ماتتأكدي ان المكونات الجافة شربت السمنة كويس قووي
- ضيفي المعلقتين العسل الابيض على اللبن ويكون دافي وقلبيهم كويس
- يمكنك إستبدال عسل النحل بعسل جلوكوز أو سيرب شربات
- ضيفي اللبن وقلبيه بالمعلقة بس ماتقلبيش كتير
- هاتي صينية متوسطة الحجم مقاس ٣٢ وإدهنيها سمنة
- وضيفيلها مكونات البسبوسة بجوز الهند وإفرديها كويس في الصينية
- وزينيها بأي نوع مكسرات عندك ولو ماعندكيش خلاص
- دخلي صينية البسبوسة بجوز الهند الفرن على الرف اللي في النص
- لمدة نص ساعة
- لحد ماتلاقي الجناب بتاعتها احمرت شغلي الشواية
- عشان تحمر وتاخد لون من فوق
- البسبوسة تخرج من الفرن سخنة تكوني محضرة السيرب
- تحطي السيرب سخن على البسبوسة وهي سخنة لسه خارجة من الفرن
- سر نجاح البسبوسة كل ماتضيفي السيرب هتلاقي البسبوسة بتشربها بسرعة
طريقة شربات البسبوسة المظبوط
- حطي كسرولة علي النار وحطي فيها كوباية السكر ومعلقتين ماية
- وسيبها علي النار تتكرمل من غير ماتقلبي عشان السكر مايكلكعش
- وبين كل فترة والتانية هنهز الكسرولة كدا
- عشان ماينفعش نقلبها لحد مالون يبقي واحد بس خلي بالك ليتحرق
- بعد كدا هضيفي كوبايتين مايه وياريت تكون سخنة
- وعليها كوباية السكر الباقية ونقلبها بالمعلقه ونيبها تغلي غلوتين
- شوفي لونها تحفة إزاي حلو قوي
- هضفلها بقى معلقتين من السمن البلدي
- بتخلي وش البسبوسة بيلمع كدا
- والريحة مش قادرة أقولك بتبقى جميلة قد إيه
- حطي الشربات على للبسبوسة وهما الاتنين سخنين خالص إسقيهم
- بعد ماطفينا الفرن وهو دافي هدخلي صينيه البسبوسه الفرن
- وهو مطفي لمدة ١٠ دقايق كدا تهدى وبعدين نطلعها
- خلاص البسبوسة إتعملت وقطعناها عوزاكي تشوفي الترميلة واللون
- مش قادرة أقولك الطعم بقى عامل إيه الطعم حكاية بجد والله الطعم حكاية جدا
- إن شاء الله تبقى نتيجة مضمونة جربيها
- شايفة لون الارضية محمر
- وسكرها مظبوط خالص وطعمها في منتهى الجمال
- وبالهناء والشفاء