طريقة الحمام الكداب
حصرى ولاول مرة حمام كداب علي اصوله من غير ماتلفيه بورق فويل او تستخدمي فيه الخيط وهيطلع معاكي ولا زي بتاع الاعلانات
مقادير الحمام الكداب
- اوراك فراخ مخلية من العظم
- بصل مبشور
- ملح
- فلفل أسود
- كبابة صيني
- عصير ليمون
حشو الحمام الكداب
- كبد وقوانص
- ارز
- بصل مبشور
- ملح
- فلفل
- قرفة
- ملعقة كبيرة خل
- ملعقة كبيرة زبدة
لسلق الحمام الكداب
- بصل
- حبهان
- ورق لورا
- مستكة
- ملح
- فلفل أسود
طريقة عمل الحمام الكداب
- أحضري قدر على النار واسلقي الكبد والقوانص في ماء يغلي علي النار مع ملح وفلفل و ملعقة خل وذلك لإزالة أي رائحة زفارة ثم أخرجيها و قطعيها مكعبات صغيره أحضري مقلاه وضعي فيها ملعقة زبدة وبصل مبشور وشوحيها فيه
- ثم أضيفي الارز والملح والفلفل والقرفه وإتركيه حتى يستوي نصف سوا
- اولا حضري الوراك وإفتحيها بالسكينه وحطيها بين كيسيين بلاستيك وبالمدق كده دقي عليه و افرديه
- تبلي وراك الفراخ بالبصل المبشور المتبل وابدأي اقفليه بالخلة لحد البوز
- احشه بالارز واقفليه وحضري حله فيها مايه مغليه وبصل وحبهان وورق لورا ومستكه وملح وفلفل واضيفيه ليهم وإسلقيه هيطلع معاكي مقفول ولا كأنه حمام حقيقي
- سيبيه لما يبرد و وهاتي طاسة فيها زيت سخن وحمريه فيها
- أو إدهنيه زبدة سايحة ودخليه الفرن ياخد لون دهبي جميل
- قدمى الحمام الكداب في طبق التقديم وقطعيه شرايح وزينيه بالبقدونس
- وبالهناء والشفاء
- طريقة الشيف هالة فهمي