ميني بيتزا الشيف نادية السيد بأسهل وأنجح عجينة ذهبية هشة وقطنية مع سر التفريز والصوص السريع
تعتبر الميني بيتزا من أشهى المعجنات المفضلة للأطفال والكبار ، وغالباً ما تبحث ربات البيوت وتسأل عن ماهى طريقة نادية السيد لعمل البيتزا ؟ والحصول على عجينة ذهبية، هشة، وخفيفة كالقطن تماماً مثل الجاهزة.
تعالوا النهارده لما اقولكم على ميني بيتزا بأسهل وأنجح عجينة ذهبية وهشه وخفيفة جداً وطريقة تفريزها وازاي تسخنوها وماتنشفش منكم مع صوص البيتزا الفوري السريع يتحضر في ٥ دقائق بس ، وبدون نار ريحته وطعمه خزعبلي احسن من صوص البيتزا الجاهز بتاع بره مع أسرار تفريز الميني بيتزا لشهر كامل، وأبرز تكات نجاح العجينة
حضري ميني بيتزا السناك واللانش بوكس للمدارس هتوفر معاكي في السعر وكمان بتعملي حاجة نضيفة بإديكي
جهزي جو عائلي وخلي الاولاد يشاركوكي في تحضير الميني بيتزا هتفرق جداً معاهم
مقادير الميني بيتزا الهشة
- ٦ أكواب دقيق
- ٢ كوب وربع من الماء الدافئ
- ٤ ملاعق كبيرة سكر
- ٢ ملعقة كبيرة خميرة فورية
- نصف كوب زيت زيتون او اي نوع
- ملعقة صغيرة ملح
- ملعقة صغيرة بيكنج بودر
مكونات صلصة البيتزا السريعة ٥ دقائق بدون نار
- ٣ ملاعق كبيرة صلصة
- فصين ثوم
- ٤ ملاعق زيت زيتون
- ملعقة صغيرة زعتر
- ملعقة صغيرة ملح
- ملعقه صغيره فلفل اسود
- نصف ملعقه صغيره سكر اختياري
- أو نصف ملعقة صغيرة كاتشب
طريقة عمل صوص البيتزا نادية السيد في الخلاط
- هنضيف المكونات كلها من صلصة والثوم والزيت والملح والفلفل الاسود
- والسكر أو الكاتشاب في الخلاط ونضربهم كويس جداً
- طبعاً الكميه دي تقدري تخزينها في علبه محكمة الغلق في الثلاجة لحد شهر او اكثر كمان
طريقة عمل مينى بيتزا ناديه السيد خطوة بخطوة بالصور
- في وعاء عميق نخلط الماء الدافئ مع السكر والخميرة ونقلبهم كويس
- ونغطيهم لمدة ٥ دقائق بالظبط لحد مالخميرة تشتغل وتتفاعل وتعمل فوم على الوجه
- بعد كدا نضيف الزيت للخميرة ونقلبه ثم ضيفي الدقيق بالتدريج واحده واحده مع التقليب
- اعجبني بإديكي لحد العجينة تختلط والعجينة تنعم
- اهم حاجة عجينة البيتزا تبقى ناعمه مابتلزقش ولا ناشفه ومشققه
- هاتي طبق عميق ادهنيه زيت وهنضع فيه عجينة الميني بيتزا
- هنغطيها ونسبها تخمر في مكان دافئ لمدة ٤٠ دقيقة تقريباً
ملحوظة ذكية: إضافة الدقيق تدريجياً تمنع جفاف العجين ودا عشان نظبط مقدار العجين إذا لم يحتاج الدقيق كله، وهنا يمكنك إضافة ملعقة البيكنج بودر والملح مع الدفعات الأولى.
طريقة تشكيل الميني بيتزا بطريقتين احترافيتين
أولاً طريقة ميني بيتزا بالقطاع أو الكوب
- بعد ماخمريت عجينة البيتزا وحجمها تضاعف
- اضغطي على العجينه وطلعيها بره على سطح أملس زي الرخامه
- نبدا تقطيع عجينه البيتزا نصفين وناخد نصف هنضعه في طبق ونغطيه عشان ماينشفش
- وناخد النص التاني وهنحطه على سطح أملس عليه رشة دقيق ونفرده بالنشابه
- افردي عجين البيتزا بحيث يبقى سمكه مش تخين ولا رفيع
- ونجيب قطاعه عجين أو كوبايه أو غطاء برطمان ونقطع بيه العجين قطع متساوية
- طبعاً بنشيل الزوائد في العجين ونرجع نفردها تاني نقطعها لحد ما نخلص كمية العجين
- حضري صينيه مدهونه زيت او عليها ورق زبدة ونرص عجينة البيتزا اللي قطعناها
- إضغطي على عجينة البيتزة بأصابعك من جوه ونسيب الأطراف
- إدهني الميني بيتزا بصلصة البيتزا ماعدا الأطراف
- هنضيف زيتون شرائح وفلفل شرائح و لانشون أو هوت دوج اي حشوة تحبوها
- واخر حاجة من فوق ضيفي الجبنة الموتزريلا على الوش
- دخلي صينية ميني بيتزا فرن ساخن من قبل على درجة حرارة ٢٢٠ درجة مئوية
- والفرن يكون شغال من تحت بس ، اول مالأطراف تستوي والجبنة تسيح يبقى استوت
- هتحصلي على مينى بيتزا طرية من غير ماتغطيها
- تقدري تاكليها على طول أو تستني تبرد وتحطيها في اكياس ثلاجة وتفرزبها
- بحيث تطلعيها قبلها بفتره تفك ويادوب تسخنيها على خفيف
ثانياً طريقة عمل ميني بيتزا هشة وطرية منتفخة الأطراف زي المطاعم
- نقسم عجينة البيتزا لقطع ونكورها
- ونضع كور العجين في صينيه مدهونة زيت او على ورق زبدة
- ونجيب كأس أو فنجان ونضغط بيه في نص العجين
- بحيث يعطي زي حفرة في النصف وأطراف مرتفعة
- في طبق اخلطي صفار بيض مع نقطتين خل وادهني بيه الميني بيتزا
- ورشي عليها شوية سمسم وضيفي في النص في الحفرة صلصة البيتزا وادهنيها
- وعليها فلفل شرايح وريحان ولانشون أو هوت دوج أو اي حشوه موجودة عندك
- وعلى الوش جبنة البرجر أو موتزاريلا
- دخليها الفرن على درجة حرارة ١٩٠ لمدة ١٠ دقائق تاخد لون من فوق وتبقى كدا تمام
- سر طراوة الميني بيتزا بعد ما تطلع من الفرن وتكون دافيه نغطيها بكيس استريتش وعليه فوطة
- عشان نحافظ على البخار جواها وتفضل طرية
- اول ما تبرد تخزنينها في اكياس ثلاجة
- ونحفظها في الفريزر تبقى جاهزة معانا على التسخين على طول
ملحوظة عند إضافة البيكنج باودر لا تخلطيه بالدقيق كله
ودا لأن ممكن مانحتاجش كمية الدقيق كلها ، فبالتالي يهدر ولانستفيد بيه
ضيفي البيكنج بودر في الدفعات الأولى للدقيق عند إضافته للاستفاده به كله
طريقة تفريز الميني بيتزا
إذا كنتِ تريدين تحضيرها للمدارس والوجبات السريعة:
- نفرد العجينة بالنشابة على سطح أملس عليه رشة دقيق ويكون سمكه وسط ولا رفيع ولا تخين
- نقطع عجين المينى بيتزا بالقطاعه
- ونرصه في صينيه عليها ورق زبدة أو مدهونة زيت ونخرمه بالشوكة
- دخلي صينية مينى بيتزا فرن ساخن على أعلى درجة حرارة لمدة ٣ دقائق فقط
- استني الميني بيتزا تبرد تماماً وخزنيها في اكياس ثلاجة ونحفظها في الفريزر
- وبالهناء والشفاء
يسعدنا تعليقك