طريقة عمل صينية سمك بالفرن طعمها روعة زي المطاعم
صينية السمك بالبطاطس من أجمل وأشهى الأكلات البحرية اللي ممكن تعمليها في البيت بسهولة، والطعم بيكون خطير خصوصًا مع التتبيلة المظبوطة والصوص اللي بيخلي السمك طري ومليان نكهة 😍
في المقال ده هنعمل مع بعض صينية سمك في الفرن بصوص رهيب وطعم ينافس المطاعم بطريقة ام انوار.
مقادير صينية السمك بالبطاطس
🐟 السمك
سمك مناسب للشوي (شعور / بلطي / دنيس)
يفضل يكون الحجم متوسط
🌶️ مكونات تتبيلة السمك
- 2 ملعقة كبيرة ثوم مهروس
- 1 ملعقة صغيرة معجون طماطم
- 1 ملعقة صغيرة ملح
- 1 ملعقة صغيرة كمون
- نصف ملعقة صغيرة كركم
- 1 ملعقة كبيرة بابريكا
- ربع كوب عصير ليمون
- 1 ملعقة كبيرة زيت
🥗 مكونات خلطة الحشو (سر الطعم)
- 3 طماطم مقطعة
- فلفل ألوان
- كزبرة وشبت مفروم
- 1 بصلة
- 2 فص ثوم
- فلفل حار (اختياري)
- 1 ملعقة صغيرة ملح
- 1 ملعقة صغيرة فلفل أسود
- 1 ملعقة كبيرة كزبرة
- 1 ملعقة كبيرة كمون
- ربع كوب عصير ليمون
- 2 ملعقة كبيرة زيت
طريقة عمل صينية سمك بالبطاطس خطوة بخطوة
1️⃣ تجهيز السمك
- اغسلي السمك ونضفيه جيداً ونضفي بطنه واهم خطوه تجفيفه جيداً وذلك لمنع الزفارة
- قومي بعمل شقوق طولية بالسكين في السمك
2️⃣ تتبيلة السمك
- في صينية اخلطي الملح والثوم والكمون ومعجون الطماطم والبابريكا
- مع الكركم وعصير الليمون والزيت معاً
- ثم ضعي السمك في التتبيلة وقوم بتتبيلة من الداخل والخارج وبين الشقوق جيداً
- نترك السمك في التتبيلة لمدة ساعتين ليتشربها جيداً
3️⃣ تجهيز الحشو
- نقطع الطماطم والفلفل الألوان والبصل والثوم لقطع صغيرة
- ونفرم الشبت والكزبرة ونضيف لهم ملح وكمون وكزبرة وفلفل اسود
- وعصير الليمون والزيت ونخلطعم معاً جيداً في طبق
- ستشمي الرائحة الشهية فوراً
4️⃣ تجهيز الصينية
- في صينية ضعي السمك وعليه باقي التتبيلة
- نقطع البطاطس إلى شرائح متوسطة ونضعها في الصينية مع السمك
- احشي بطن السمك بالخلطة ونوزع باقي الخلطة في الصينية
- ضعي قليل من الزيت على وجه الصينية
- مهم جدًا:
ما تضيفيش مية خالص → السمك والخضار بينزلوا سوائل كفاية
5️⃣ التسوية في الفرن
- غلفي صينية السمك بالبطاطس بورق الفويل جيداً
- وادخليهافرن مسخن من قبل على درجة حرارة ٢٠٠ درجة لمدة ٤٥ دقيقة
- بعد ال ٤٥ دقيقة ننزع ورق الفويل ونشغل الشواية ليأخذ السمك لون ذهبي
سر نجاح صينية السمك زي المطاعم
- تنشيف السمك كويس جدًا
- التتبيل الكويس وتركه وقت كفاية
- عدم إضافة ماء
- استخدام ليمون طبيعي
- الشواية في الآخر هي اللي بتدي الشكل والطعم 🔥
🍽️ تقدم مع إيه؟
- أرز صيادية
- سلطة طحينة
- سلطة خضراء