طريقة عمل البط في الفرن بتتبيلة رهيبة | أسرار الجلد الكريسبي بدون زفارة
لو بتدوري على طريقة عمل البط في الفرن زي المطاعم بطعم خطير وبدون أي زفارة بطريقة هبه ابو الخير ، فالمقال ده هيدّيك كل الأسرار:
من محلول النقع السحري لحد طريقة تخلي الجلد كريسبي ولونه ذهبي والبطة من جوه طرية ودايبة.
هتلاقي أفضل تتبيلة للبط هنا
أهم أسرار نجاح البط المشوي
- استخدام محلول النقع لإزالة الزفارة نهائيًا
- تتبيلة متوازنة تدخل جوه اللحم
- التسوية البطيئة ثم التحميص في الآخر
- تلميع البطة للحصول على لون شهي
مقادير البط المشوي في الفرن
🧂 تتبيلة البط المشوي
- 1 ملعقة كبيرة سبع بهارات
- 1 ملعقة كبيرة ملح
- 1 ملعقة صغيرة فلفل أسود
- 1 ملعقة صغيرة بابريكا
- 4 ملاعق عصير ليمون أو برتقال (أو ربع كوب خل)
- ربع كوب زيت
- نصف كوب ماء ساخن
- 2 ملعقة دبس رمان (أو عسل أبيض)
- 1 ملعقة كبيرة صويا صوص
مطيبات التسوية
- ورق لورا
- قرفة
- حبهان
- مستكة
- فلفل أسود حب
محلول نقع البط (سر إزالة الزفارة)
المكونات:
- 2 لتر ماء بارد
- نصف كوب سكر
- نصف كوب ملح خشن
- ربع كوب خل أبيض
- ربع كوب خل تفاح (اختياري)
- قرفة + حبهان + ورق لورا
- فلفل أسود حب
- شرائح ليمون + قشر برتقال
الطريقة:
- اخلطي كل المكونات جيدًا حتى يذوب الملح والسكر
- ضيفي البطة بعد غسلها كويس
- غطيها واتركيها في الثلاجة 3 ساعات على الأقل (الأفضل ليلة كاملة)
✅ المحلول ده ينفع كمان للفراخ والديك الرومي
طريقة تتبيلة البط المشوي
- اخلطي كل مكونات التتبيلة جيدًا
- نشّفي البطة كويس جدًا بعد النقع
- ادهنيها بالتتبيلة من الداخل والخارج
- اتركيها تتشرب التتبيلة (كل ما الوقت زاد كل ما الطعم كان أحلى)
تجهيز البط قبل التسوية في الفرن
- احشي البط بصل أو جزر أو ورق عنب اي حشو تحبيه
- في حركة ممتازة ممكن تجربيها انك تجيبي برتقاله وتخرميها بالسكينة وتحطيها في البطة
- ودي بتخلي طول فترة الشوي ينزل صوص بسيط طول فترة التسوية
- نجيب صينيه ونضيف لها ماء ساخن وورق لورا وقرفه وحبهان ومستكه و فلفل اسود حب
- تقدري تضيفي شرايح بصل اوجزر وكرفس وطماطم وفصوص ثوم
- تقدري تضيفي اي منكهات أو مطيبات تفضليها
- حطي شبكة على الصينية وحطي عليها البطة وثبتي الجوانح بخلة
خليط تلميع البط (سر اللون الكراميلي)
- ملعقة زيت
- ملعقة دبس رمان
👉 اخلطيهم وادهني بيه البطة ده بيدي لون ولمعة زي المطاعم
طريقة تسوية البط في الفرن بدون سلق بالصور
- غطي البطه بورق زبدة وورق فويل كويس قوي وقفليه من الجنب كويس
- هنسوي البطة في الرف الأسفل في فرن ساخن مسبقاً
- في البداية هسيبها ساعة على أعلى درجة حرارة
- بعدين ننزل درجة الحرارة ل ٢٠٠ درجه واسيبها تكمل تسوية لمدة ساعة ونص
- وتحتاج معاكم تقريباً تسوية من ساعتين إلى ساعتين زمن
خطوة تحمير البط (سر الكريسبي)
- اخر نصف ساعة أخرجي البط من الفرن وشيلي ورق الزبدة والفويل
- إدهني البطة بخليط التلميع
- دخليه تحت الشوايه ياخد لون الشوي
- كل ماتقلبيها ادهنيها عشان تاخد لون شواء حلو
- غلفي عضم رجل البطة بورق الفويل لتزيين البطة المشوية
- النتيجة: جلد مقرمش ولون ذهبي تحفة
- وبالهنا والشفاء
نصائح ذهبية لبط ناجح 100%
- نشّفي البطة كويس جدًا قبل التتبيل
- النقع أهم خطوة لإزالة الزفارة
- ما تفتحيش الفرن كتير
- التحميص في الآخر هو سر الكريسبي
- البرتقال داخل البطة بيدي طعم خرافي
أسئلة شائعة عن البط في الفرن
هل لازم أنقع البط قبل الطبخ؟
أيوه، النقع مهم جدًا لإزالة الزفارة وتحسين الطعم.
إزاي أخلي جلد البط مقرمش؟
عن طريق التحميص في الآخر مع التلميع بالزيت ودبس الرمان.
مدة تسوية البط في الفرن كام؟
من ساعتين إلى ساعتين ونصف حسب الحجم.
اسرع طريقة لتسوية البط؟
لتسريع تسوية البط يعتمد على محلول النقع فهو يتغلغل داخل أنسجة البط ويجعله طري سهل التسوية.