طريقة عمل الناجتس مثل المطاعم
اعمليه بكميه وانسي هم الصحيان بدري كل يوم في المدرسة
هنعمل النهاردة الناجتس على أصوله ينفع غداء ينفع سندوتشات مع الكاتشب والمايونيز او في اللانش بوكس للمدرسة
ناجتس هش ومقرمش حكاية وصفة سهلة وسريعة التحضير في البيت
مكونات الناجتس المقرمش
- كيلو صدور فراخ
- ربع كيلو بطاطس مسلوقة
- نص كوب نشا
- ٢ بيضة
- ٢ معلقة صغيرة ملح
- معلقة كبير هريسة شطة إختياري
- معلقة صغيرة بابريكا، فلفل أسود، شطة، بصل وثوم باودر، بهارات فراخ مرقة فورية
خليط تتبيلة الناجتس
- ٢ بيضة
- نص كوب لبن حليب
- معلقة كبيرة نشا
- وملح
- فلفل اسود
- دقيق
- كريسب
طريقة عمل الناجتس البيتي فاطمة ابو حاتي
- نجيب الكريسب من عند العطار ويكون ناعم شويه
- هاتي الصدور ونقطعها
- حطي الصدور في الكبة وهنضيف ليها توابل الناجتس
- من بابريكا وفلفل أسود وشطة وبصل وثوم بودر وبهارات فراخ ومرقة فورية
- ونضيف البيض والملح والهريسة والنشا ونشغل عليهم الكبة
- مش عاوزينهم يبقوا ناعمبن قوووي عشان نحس بقطع الفراخ كدا واحنا بناكل
- هضيف عليهم بعد ماضربتهم شوية بطاطس مسلوقة وتكون بارده ونضربهم شوية
- بعد كدا نجيب طبق وضيفي ليه اللبن والبيض والنشا والملح والفلفل الاسود
- ونقلبهم كويس قووي نبدء نكور الناجتس حوالي ٣ جرام للواحدة
- ونحطها في الدقيق وبعدين البيض وبعدين الكريسب
- ولا أسهل من كدا
- ونخلص الكمية كلها إللي معانا وطبعاً تقدري تعملي كمية كبيرة وتحفظيها في الفريزر
- هنحمرهم في الزيت ونصفيهم كويس قووي
- كمان تقدري ترشي عليهم زيت وتدخلبهم الآير فراير بدل تحميرهم في الزيت
- وبالهناء والشفاء