طريقة عمل بديل الديك الرومي الفراخ الأمهات
بديل الديك الرومي اسهل من كدا مافيش يلا قولولي عازمين ولا معزومين
بديل الديك الرومي ومتستغربيش هيطلع معاكي زي الديك الرومي واحلي كمان اما التسوية بقي مش هقولك عليها بصراحة دايبة وتحفة والطعم خطير
طعم وهمي هيشرفك وهو دا بديل الديك الرومي بسعر ارخص وإقتصادي
مقادير بديل الديك الرومي
مكونات محلول نقع الديك الرومي
- ٢ معلقة ملح
- برتقالة
- ليمون
- معلقة صغيرة زنجبيل
- ٢ عود قرفة
- ربع كوب خل احمر
- تنقع لمدة ٤ ساعات
مقادير تتبيلة الديك الرومي
- ملح
- رشة زعفران باودر
- نص ملعقة حبهان بودر
- نص ملعقة سبع بهارات
- نص معلقة قرفة
- معلقة بصل بودر
- معلقة ثوم باودر
- معلقة فلفل أسود
- ملعقة كبيرة كاتشب
- ملعقة مرقة فورية
- ربع كوب خل احمر
مكونات الحشو
- جزرة
- بصل
- طماطم
- في الفرن نص ساعة على حرارة عالية وساعتين على حراوة هادية
طريقة تحضير بديل الديك الرومي بأحسن طعم
- اول حاجة هنعملها محلول النقع نجيب طبق كبير فيه مايه
- ومعلقتين كبار من الملح ونعصر برتقانه كبيرة ولمونة ونحط قشرهم في ماية النقع
- ونضيف الزنجبيل والقرفة ونيجي بقي لاهم حاجة
- خل نجمة الزيتون الاحمر طبيعي ١٠٠ ٪ اللي هيديني طعم حلو للتتبيلة ويشيل اي زفارة
- واللون الاحمر دا من كرملة السكر اللي فيه فاعايزة اقولكم هيدي لون خطير وطعم يجنن
- نحط منه حوالي ربع كوبتبة كمان بيخلي الأنسجة طرية خالص مابتشدش خالص في الأكل
- يلا نقلب كل دا مع بعضه كويس وكدا محلول النقع بقى جاهز معايا
- ويلا ننزل الفرخة الأمهات الكبيرة فب محلول النقع عشان تتحول لديك رومي
- هنسيبها في محلول النقع اربع ساعات ويلا نجهز التتبيلة
- هنضيف بهارات تتبيلة الديك الرومي كلها مع بعض
- من ملح وزعفران وحبهان و سبع بهارات وقرفة وبصل وثوم بودر وفلفل أسود والكاتشب والمرقة الفورية وخل نجمة الزيتون الأحمر
- نقلب بقي التتبيلة دي كويس قوي
- عاوزه اقولك ان الخل الاحمر دا بيستخدم للمشويات وبيخلي طعمها ولونها تحفة
- هجيب الفرخة وانشفها كويس قوي من محلول النقع
- وابدء اعمل فتحات فيها بالسكينة من عند الرجلين والصدر
- وابدء اتبلها بالتتبيلة وادخلها بين الفتحات اللي عملتها
- ومن جوه الفرخة كويس قووي
- ابدء اجيب بصل وطماطم وجزر مقطع مكعبات كبيرة واحشي بيها الفرخة من جوة
- دا هيمتص اي زفارة من جوة حطي الفرخة في كيس حراري واقفليه
- ونعمل فتحتين صغيرين في الكيس عشان البخار
- هنجيب صينية فيها حوالي لتر من الماية المغلية
- ندخل صينية الديك الرومي الفرن نص ساعة على حرارة عاليه
- وبعد كدا نهدي النار عليها لمدة ساعتين او ثلاثة على حسب وزن الفرخة والسن
- وعشان تعرفي ان الديك استوى ولا لسه اضغطي علي ورك الديك قبل ماتفتحي الكيس لو دخلت وغرزت يبقى استوى
- وبالهناء والشفاء