طريقة عمل الكفتة زي الكبابجي
الكفتة من أنواع المشويات المفضله لدى الجميع
فالمشويات وجبة لذيذة وخفيفة وصحية أكثر من غيرها لقلة الدهون بها
جربي طريقة تتبيل الكفتة بنفس طريقة الحاتي واحسن كمان
واخيرا سر نجاح المشويات عجينة الكفتة المشوية بتتعمل كدا تستحق التجربة بدون ماتكش ولا تفك مش هتحتاجي تشتريها من بره تاني
نقدم طريقة عمل الكفتة في البيت وصفة سهلة وسريعة التحضير
مقادير الكفتة اللحمة
- كيلو لحمة مفرومة
- ربع كيلو دهن
- ٢ بصلة حجم كبير
- ٤ ملعقة اوراق بقدونس مفرومة
- ٣ ملعقة كبيرة بهارات كفتة
- نصف ملعقة كبيرة ملح
- نصف ملعقة كبيرة بابريكا
- ملعقه صغيره بهارات مشكلة
- ملعقه صغيره بهارات لحمة
- ملعقه صغيره بكينج بودر
- ٢ ملعقة كبيرة نشا
- ٢ ملعقة كبيرة دقيق أو طحين
طريقة عمل الكفتة المشوية في الصينية
- افرمي البصل ناعم جدا مع نص معلقة صغيرة ملح
- وقلبيهم كويس قووي وسيبيهم في مصفاه تحتها طبق ١٠ دقايق
- عشان ينزلوا العصارة بتاعة البصل
- عندنا كيلو اللحمة بنزود عليه ربع كيلو دهن ويتفرموا مع بعض
- هنزود عليه البقدونس المفروم وبناخد الورق بس نفرمه
- هضيفي بهارات الكفتة الجاهزة ودي بتجيبيها من العطار او السوبر ماركت
- ضيفي توابل الكفتة الملح والبابريكا والدقيق والنشا
- والبيكنج باودر وبهارات اللحمة والبهارات المشكلة
- بعد كدا هنضيف تفل البصل او البصل المفروم ويكون متصفي منه المايه
- وندخل ماية البصل اللي نزلت في الثلاجة عشان هنصبع بيها الكفتة
- افرمي كل مكونات الكفته مرة تانيه في المفرمة أو الكبة
- سر من أسرار نجاح الكفتة وانتي بتاخدي منها هتلاقي فيها زي خيوط كدا
- هنبدء في تصبيع الكفتة وتقدري كمان تعيني منها في الفريزر زي ماتحبي
- هتجيبي صينية ونجيب سيخ او ضهر معلقة عشان تصبعي بيه الكفته
- وطبعا مش هندهن الصينيه لان اللحمة فيها مادة دهنيه هتنزل منها
- نبل السيخ بماية البصل و ايدينا ونصبع الكفتة
- ونرص الكفتة في الصينية وندخلها فرن سخن
- ونشغل الفرن والشواية مافيش ربع ساعه وهتستوي
- جهزي طبق التقديم وعليه شوية خضرة ونقدم الكفتة عليه
- وبالهناء والشفاء