طريقة عمل البط زي المطاعم فاطمة ابو حاتي
طريقة عمل البط فاطمة أبو حاتي من أشهر وصفات البط اللي بتطلع دايبة وطريّة ومن غير أي ريحة زفارة .
في الوصفة دي هتتعلمي طريقة تنظيف البط صح ، وطريقة سلقه وتسويته ، وكمان سر التحمير اللي بيدي لون دهبي ولمعة حلوة زي بط العزومات .
لو عندك عزومة وعايزة بط مضمون وطعمه يطلع مظبوط من أول مرة ، الطريقة دي هتشرفك جدًا .
وتعتبر طريقة عمل البط من غير زفارة على طريقة فاطمة أبو حاتي من أفضل الطرق لعمل البط المسلوق ثم المحمر بطعم شهي ولون دهبي.
أسئلة شائعة
إزاي أعمل البط من غير زفارة؟
طريقة تنظيف البط من غير زيارة هي أهم خطوة لنجاح الوصفة
سر البط من غير زفارة هو التنضيف الصح باستخدام الملح والدقيق والبيكنج صودا ، مع دعك البطة كويس من الداخل والخارج ، ثم فركها بالليمون قبل السلق
سر تنظيف البط من غير زفارة
اغسلي البطة كويس قوي بالماية والملح والخل
حطي نص كوب ملح + كوب دقيق + ملعقة بيكنج صودا
إدعكي البطة كويس قوي من بره وجوه
ركزي تحت الأجنحة وبين الأوراك
سيبي البطة نص ساعة
إدعكيها بالليمون كويس
اغسليها بالماية ، هتلاقيها نورت ولمعت ومفيش أي زفارة
مدة سلق البط قد إيه؟
مدة سلق البط بتكون من 45 دقيقة لساعة على نار هادية ، حسب حجم البطة، لحد ما تدخل في التسوية .
إيه سر لون البط الدهبي في الفرن؟
سر اللون الدهبي هو دهن البط باللبن أو اللبن التقيل قبل دخول الفرن، وده بيدي لون ولمعة حلوة وطعم مم
البط يتقدم مع إيه؟
البط بيتقدم مع المحشي أو الرقاق ، وكمان شوربة البط بتكون تحفة ومفيهاش أي زفارة .
ويفضل تقديم البط مع أطباق تقليدية زي
[طريقة عمل الأرز بالشعرية] أو [طريقة عمل الملوخية الخضراء].
مقادير البط المسلوق
- بطة
- نصف كوب ملح
- كوب من الدقيق الابيض
- ملعقة كبيرة بيكنج صودا
- ٢ ليمونة
- بصلة مقطعة ارباع
- عودين كرفس
- فصين ثوم
- ١ طماطم مقطعه ٤ قطع
- جزره مقطعه
- ورقتين لورا او غار
- حبهان
- مستكة
- فلفل أسود مطحون
- رشة سكر صغيرة
- ملح
طريقة عمل البط في الفرن بعد السلق فاطمه ابو حاتي
- إغسلي البطة كويس قوي بالماية والملح والخل
- البطة هنحطلها نص كوباية الملح والدقيق والبيكنج صودا
- وإدعكي بقى كويس قوي قوي البط من بره وجوه
- ولو في اي ريشه بيطلع معاكي وندعك من جوه البطاية
- وندعكها تمام التمام عشان ماتخليش فيها اي ريحة زفارة
- وبعدين نسيب بقى البطة نص ساعه زي ماهي
- هانجيب الليمونه بعد كدا وندعكها في البطة هتلاقي الزفارة بتطلع
- من تحت الاجنحة والاوراك ماتخليش فيها حته ماتعمليهاش
- صدقيني جربي الطريقة في التنضيف هتطلع تحفة جداً
- وهتلاقي البطة بتبرق كدا معاكي من النضافة
- ولا في ريحة زفارة ولا اي حاجه
- إغسلي البطة بالماية هتلاقي البطة نورت من النضافة
- عملنالها اسكراب والدنيا بقيت زي الفل
طريقة سلق البط
- سلق البط قبل التحمير خطوة مهمة جدًا
- عشان يطلع طري ودايب وده سر نجاح البط المسلوق ثم المحمر.
- في حلة فيها ماية بتغلي حطي البطة
- الماية تغطي ¾ البطة
- شيلي الرغاوي أول ما تظهر
- ضيفي البصل والكرفس والثوم والخضار
- حطي ورق اللورا والحبهان والمستكة ورشة السكر
- تقدري كمان تضيفي مكعب مرقة
- لما تستوي شيلي البطة وطلعيها وبقيت فله
- سيبيها على نار هادية لحد ما تستوي
- أضيفي الملح في آخر السلق
سر تحمير البط ولونه الدهبي
- تحمير البط في الفرن باللبن بيدي لون دهبي
- ولمعة مميزة زي بط المطاعم.
- بالفرشة ادهني البطة بشوية لبن
- لو اللبن تقيل أو فيه قشطة هيطلع اللون تحفة
- دخليها الفرن لحد ما تتحمر
- تقدري ترشي ملح وفلفل وهي سخنة
- اللون هيطلع دهبي ولمعة خطيرة
- ويفضل تقديم البط المحمر مع أطباق جانبية مناسبة زي
- [طريقة عمل المحشي] أو [طريقة عمل الرقاق الطري باللحمة المفرومة] عشان تكون عزومة متكاملة.
طريقة تقديم البط
- قدمي البط مع محشي أو رقاق
- وبأحلى شوربة بط من غير أي زفارة
- زيني الطبق بالخضرة والفلفل الحلقات
- وبالهناء والشفاء