طريقة عمل البطاطا المشوية المكرملة على البوتجاز
طريقة عمل البطاطا بالسكر على البوتجاز من أسهل وألذ الطرق لتحضير البطاطا الحلوة في البيت بدون فرن ولا شواية.
البطاطا المكرملة زي بطاطا العربيات بطعم سكر دايب وقوام طري،
وبتعتبر تحلية شتوي اقتصادية ومفيدة في نفس الوقت، وبتدفّي الجسم وبتحبها الكبار والصغيرين.
في الوصفة دي هنعمل البطاطا المشوية المكرملة على البوتجاز بخطوات بسيطة ومن غير سلق ولا فرن.
البطاطا الحلوة من الأكلات الشهية والمفيدة للجسم
لاحتوائها على الكربوهيدرات والألياف والفيتامينات المهمة
فوائد البطاطا الحلوة
- غنية بالألياف
- مصدر طاقة طبيعي
- بتساعد على الإحساس بالشبع
- بديل صحي للحلويات الجاهزة
مقادير البطاطا بالسكر على البوتجاز
- بطاطا
- ربع كوب سكر
- زبدة
طريقة عمل البطاطا المكرملة بدون فرن
- هتخمري البطاطا في شوية ماية وبعدين تغسليها كويس جداً
- وهاتي طاسة على النار وسخنيها هنضع فيها البطاطا واحدة واحدة
- لحد ماتسمعي صوت الحرارة وانتي بتحطيها
- هتضيفي السكر على البطاطا وممكن تقللي الكمية
- يعني تضيفي معلقتين او اقل زي ماتحبي
- هدي النار على الطاسة وهاتي ورقة زبدة وحطيها على البطاطا من فوق
- وبعدها ورقة فويل المونيوم وغطي بيها الطاسة
- وقفلي عليها كويس بفوطة
- عشان الطاسة هتكون سخنة من جميع الجوانب
- هنسيبها على نار هاديه لمدة نص ساعة تقريباً
- هنفتح عليها ورق الفويل هنلاحظ إن السكر بدء يتكرمل
- هنقلب البطاطا على الناحية التانية من تحت لفوق
- وهنغطي على البطاطا تاني بورق الزبدة وبعدها ورق الالمونيوم فويل
- ونسيبها على النار كمان ٢٠ دقيقة
- بعد ال ٢٠ دقيقة بتكون خلاص قربت تبقى طرية
- وبيكون السكر إتكرمل كله بنسبة ٨٠ ٪ هقلبها على الناحية التانية
- وهغطيها كمان مرة بورق الزبدة وورق الالمونيوم فويل كويس جداً
- لمدة ١٠ دقايق تقريباً وتبقى طرية وإستوت تماماً
- إرفعي البطاطا من على النار
- وبفرشة إدهني البطاطا بالسكر المكرمل اللي في الطاسة
- وبكدا البطاطا المشوية على البوتجاز جاهزة للتقديم
- تقدري كمان تولعي فحمة وتحطيها معاهم في الطاسة
- وتغطي عليها لما البطاطا تاخد ريحة الشوي
- قدمي البطاطا في طبق التقديم
- في نفس الطاسة هتحطي معلقة زبدة على السكر المكرمل
- وقلبيهم لحد مالزبدة تسيح مع السكر المكرمل
- قومي بفتح البطاطا بالسكينه بالطول
- واسكبي عليها معلقة او اتنين من صوص الزبدة
- وتقدري تستغني عن الخطوة دي حسب رغبتك
- وبكده البطاطا المكرملة بقت جاهزة للتقديم
- وبالهناء والشفاء.
البطاطا المكرملة بالزبدة ناديه السيد
نصائح لنجاح البطاطا المكرملة
اختاري بطاطا متوسطة الحجم علشان تستوي بسرعة.
النار لازم تكون هادية جدًا علشان ما تتحرقش.
متكترش سكر من الأول، ممكن تزودي بعدين.
لو حسّيتي البطاطا نشفت، أضيفي معلقة مياه سخنة.
أسئلة شائعة عن البطاطا بالسكر
هل ينفع أعمل البطاطا بالسكر من غير زبدة؟
أيوه، الزبدة اختيارية والطعم بيطلع حلو من غيرها.
هل البطاطا بالسكر بتزيد الوزن؟
لو اتاكلت باعتدال تعتبر تحلية أخف من الحلويات الجاهزة.
هل ينفع تتعمل من غير فويل؟
ينفع، لكن الفويل بيساعد على التسوية السريعة وتنعيم البطاطا.
أخطاء شائعة عند عمل البطاطا بالسكر
- رفع النار زيادة فيحترق السكر
- استخدام طاسة خفيفة
- تقليب البطاطا بدري
- إضافة سكر كتير من الأول