طريقة عمل ويفر الشوكولاتة المقرمش في البيت
هنقدملك طريقة حلويات بالشوكولاتة خفيفة ولذيذة
تنفع تقدميها لاولادك وفي المناسبات وصفة سهلة وسريعة التحضير في البيت وإقتصادية جداً
ويفر الشوكولاته رولز في البيت ومن غير بيض مقرمش ويجنن بمكونات بسيطة جدا تشوكليت ويفر رول
بأبسط طريقة مش هتتخيلوا قد ايه سهل وبسيط والنتيجه عامله ازاي ويفر مقرمش لذيذ
مش هتتخيلوا ان ممكن حاجة زي دي تعمليها في البيت بتطلع احلى من الجاهزة بمنتهى البساطة ومضمونة كمان ١٠٠٪
مأكلتش بالجمال دا حاجة من بره قبل كدا والأهم من دا كله بساطة المقادير والمكونات اللي هتطلعلنا الجمال دا كله
مقادير بسيطة جدا مافيش بيض ولا مكونات خزعبلية
مكونات ويفر الشوكولاته رولز
- كوب إلا ربع دقيق ٩٥ جرام
- ٢ ونصف ملعقة كبيرة كاكاو ٢٠ جرام
- نصف كوب سكر
- كوب إلا ربع حليب دافئ ١٨٠ مللي
- نصف ملعقة صغيرة بيكنج بودر
- ٣ ملعقة كبيرة زيت
- فانيلا
- رشة ملح
- قهوة سريعة الذوبان إختياري
- للحشو شوكولاتة سبريد أو زبدة فول سوداني او زبدة فستق او لوتس.......
طريقة تحضير رولز الشكولاتة بطريقة ناديه السيد
- في وعاء عميق هنحتاج كوبيتين ونص من الدقيق
- هنزل عليهم بالكاكاو الخام والسكر البودرة او السكر العادي لو مش موجود
- الاتنين ينفعوا ومممكن تقللي السكر معلقة او اتنين برضه
- نضيف البيكنج بورد ورشة الملح
- انخلي المكونات دي كلها كويس قوي
- ممكن تحطي القهوة تكون سريعة الذوبان ودي خطوة إختيارية
- هي بتعزز نكهة الشوكولاتة وبتظهرها مش اكتر
- بعد كدا هتضيفي الزيت والحليب ولازم يكون دافي
- ضيفي الفانيلا عشان النكهة وقلبي المكونات كلها مع بعض كويس
- ولاحظي لو لاقيتي القوام خفيف زودي شوية دقيق
- ولو لاقيتيه تقيل زودي شوية حليب دافي المهم تظبطوا القوام
- في الوصفة دي يفضل نستخدم طاسة غير لاصقة او طاسة كاست ايرون
- هنحط معلقة من الخليط في الطاسة وهي لسه بارده قبل مانحطها على النار
- ونفرد الخليط بضهر المعلقة داير مايدور وبعدين نرفعها على نار متوسطة هادية
- ويادوب اول ماتتشمع من تحت يعني تتماسك ونعرف نشيلها اقلبيها على الوش التاني
- ويادوب ٥ ثواني واشيلها من على النار
- وطبعا نسيب الطاسة تهدى قبل مانحط الخليط مره تانية
- ودا بإننا نحط مايه بارده للطاسة عشان تهدى وتبرد
- او نستخدم طاستين ونبدل مابينهم
- ونكرر الخطوات لحد ماننتهي من الكمية كلها
- اول ماتنتهي من واحده تلفيها علي اي حاجه زي شفاطة بشكل اسطواني
- ودا لان الويفر بينشف على طول وبيمسك نفسه فلازم تلحقي تشكليه
- اهم حاجة انك ماتخليش الطبقة تكون رقيقة قوي زيادة عن اللزوم
- عشان مش تتكسر منكم وانتوا بتلفوها ورصوا الويفر جمب بعض في صينية
- ودخليها فرن مسخن من قبل كدا على درجة حرارة ١٧٥ درجة
- حطيها في نص الفرن على الشبكة هتاخد من ١٠ دقايق - ١٢ دقيقة
- ممكن تطلع تلاقيها طرية سيبيها شويه بعد ماتطلع من الفرن هتلاقيها بتهدا وتقرمش
- نجهز الحشوة وهي من اختيارك هجهز شيكولاتة سبريد في كيس حلواني وفتحته
- وبحشي الويفر من ناحيه وبعدين احشيه من النحية التانية
- تقدري تحشي بزبدة فول سوداني او زبدة فستق اي حاجة بتحبيها
- هتحطي الويفر بعد ماحشتيه على صينية وتسيحي شوكولاتة بيضه في حمام مايه للتزيين
- هتحطيها في كيس حلواني وتزيني بيه الويفر بالشوكولاتة
- استني لما الشَكولاتة تجمد وتمسك نفسها وبعد كدا رصيها في طبق التقديم
- شكلها يجنن حلوه ورهيبة من غير بيض بمقادير بسيطة خالص هتفرحي عيلتك
- وبالهناء والشفاء