متى يعتبر الطفل متأخر في الزحف؟
امتى تقلقي لو طفلك لسه مازحفش أو ماطلعش أسنان
مع دكتور هاني عصام خال العيال
متى يبدء الطفل بالزحف على بطنه؟
يأتيني أم العيادة وتسألني يادكتور إبني عنده ٩ شهور ولسه ماطلعش أسناش ولا زحف ولسه بيتقلب وانا مش عارفه اتصرف معاع أزاي
طبعاً أول مابلاقي أي أم داخله تشتكي من نفس الشكوى
أسألها اول سؤال هو انتي إبنك مابينزلش من على إديكي خالص؟
تقول لأ اصل أنا بخاف عليه يعيط دي طبعا أول غلطة
هو إنتي مابتقعديش جمبه من ١٠ دقائق لربع ساعة بعد كل وجبة ومابتسيبهوش على بطنه وتبتدي تخليه يحاول يزق بإيده ورجليه ويرفع رقبته حتى لو عيط اول مرة وبعد كده تسحبيه وتاخديه في حضنك تطبطبي عليه وبعد مايهدى تجربي تاني
هو انتي لسه بتديه التتينة عشان يبتدي ينام عليها؟
هو انتي لسه إعتمادك الأساسي على الببرونة عشان ياخد؟
هو انتي لسه بتقدميله الاكل مهروس ومضروب في الخلاط وبتاكلبه وهو مابيرضاش؟
خدي بالك الحجات دي مش مقبولة ابدا بالنسبة لطفلك لان طفلك في مرحلة التطور العقلي والعصبي والحركي
زخف الطفل من عمر كام؟
متى يبدء الطفل بالزحف على بطنه؟
المفروض إن طفلك عند ٩ شهور يكون بيوقف رجله على الارض وبيحاول يقف وبتدى يسقف وإبتدى يتقلب وإبتدى ياخد زحفة من قدام للوراء او من الوراء لقدام
إبتدى يرفع راسه ويحركها في السن دا
لو شايلاه على إيدك ٢٤ ساعة هيتعلم إزاي يتعلم الزحف والوقوف
المفروض يقف ويقع عادي انتي تبقي جامبه وسانداه
وقتها لو معملش كل دا يبقى إتاخر ودا يستدعي إني اروح لدكتور أطفال عشان اطمن اشوف الطفل عنده أي تأخر ولا مشاكل في الأعصاب ولا مشاكل في العضلات ولا مشاكل في الجهاز العصبي ونستدعي التدخل المباشر من بدري لو كان من ضمن حالات الشلل الرخوي أو أنه عنده خلع وليدي وعاوزين نلحقه من بدري والمفروض إن احنا بنستكشفه قبل ٤ شهور
في التسع شهور مفروض بيكون بيهمهم بكلمتين
ماتقلقيش لو الطفل اتاخر وماطلعش سنه لحد سنه وشهرين او سنه و ٣ شهور إبتدي إسألي دكتور
مافيش حاجة إسمها حاجة تعجل بالأسنان او تعجل بالوقوف
التسع شهور امر وارد ان فتحة النفوخ إبتدت تقفل
لاحظي الافضل ماتضربيش الاكل في الخلاط الافضل إنك تهرسيه بالشوكة او المعلقة
اكبر غلطة لما بشوف امهات بتدي الاكل لاطفالها في ببرونة وبتوسعلها الخرم دي أكبر مصيبة وغلطة
حطيله الاكل وخليه يحرك ايده ويحاول بأكل نفسه
سيبيه يقوم ويقع دا طبيعي